Əfqanıstanda məscidə hücum nəticəsində altı nəfər həlak olub
Bakı, 30 aprel, AZƏRTAC
Əfqanıstanın qərbindəki Herat əyalətində silahlı şəxslərin məscidə hücumu nəticəsində altı nəfər həlak olub, daha bir nəfər yaralanıb.
AZƏRTAC “Barrons” saytına istinadla xəbər verir ki, bu barədə Əfqanıstan Daxili İşlər Nazirliyinin mətbuat katibi Abdul Matin Qani bildirib. Onun sözlərinə görə, ölümcül insident əyalətin Qozara rayonunun Şəhrak bölgəsində axşam namazı vaxtı baş verib. Həlak olanların hamısı mülki şəxslərdir.
Məlumatda Tolo məscidinin Əfqanıstanda azlıq təşkil edən şiə icmasına aid olduğu qeyd edilib.
Hələlik heç bir qruplaşma hücuma görə məsuliyyəti üzərinə götürməyib.
Bölmənin digər xəbərləri
