Əfqanıstanla sərhəddə atışma zamanı altı pakistanlı həlak olub
Bakı, 12 dekabr, AZƏRTAC
Əfqanıstanla sərhəddə baş verən atışma nəticəsində altı pakistanlı həlak olub, daha 17 nəfər yaralanıb.
AZƏRTAC xarici KİV-ə istinadla xəbər verir ki, Pakistanın Əfqanıstan üzrə xüsusi nümayəndəsi Məhəmməd Sadiqin sözlərinə görə, insident ölkənin sərhədyanı bölgəsində yerləşən Çaman rayonunda qeydə alınıb.
“Taliban” hərəkatı isə öz növbəsində atışma zamanı bir nəfər Əfqanıstan vətəndaşının öldüyünü, 13 nəfərin, o cümlədən üç dinc sakinin xəsarət aldığını bildirib.
Pakistanın Xarici İşlər Nazirliyi insidenti pisləyib və “bu cür xoşagəlməz hadisənin iki ölkə arasındakı qardaşlıq münasibətlərinə uyğun olmadığını” vurğulayıb. İslamabadın məlumatına görə, silahlı qarşıdurma bir gün əvvəl Qəndəhar əyalətində yerləşən Spinboldak sərhəd-keçid məntəqəsi yaxınlığında Əfqanıstan tərəfinin nəzarət-buraxılış məntəqəsi tikmək istəyinə Pakistan sərhədçilərinin mane olması səbəbindən baş verib.
Bölmənin digər xəbərləri
