“Ekol Mühəndislik Xidmətləri”ndə keçirilən xarici audit başa çatıb
Bakı, 10 iyul, AZƏRTAC
“Ekol Mühəndislik Xidmətləri” QSC-də inteqrə edilmiş menecment sistemləri üzrə xarici audit keçirilib.
Müəssisədən AZƏRTAC-a bildirilib ki, QSC-də ISO-9001, ISO-14001 və OHSAS-18001 beynəlxalq idarəetmə sistemləri (BİS) standartlarının tələblərinə əməl olunması və standartlara uyğunluğun yoxlanması üzrə Türk Standartları İnstitutunun (TSE) auditorları tərəfindən keçirilən audit başa çatıb.
Bildirilib ki, QSC-də standartların hər bir maddəsi üzrə yoxlamalar aparılıb və standartın tələblərinə uyğunluq təsdiqlənib, fəaliyyət yüksək qiymətləndirilib. Auditorlar QSC-nin müvafiq struktur bölmələrində olub, hər üç standartın tələblərinə yüksək səviyyədə əməl olunduğunu qeyd ediblər.
Növbəti illərdə də QSC-nin bütün fəaliyyət sahələrində ISO-9001-2015, ISO-14001-2015 və OHSAS-18001 BİS-in tələblərinə yüksək səviyyədə əməl olacağını Türk Standartları İnstitutunun təmsilçilərinin diqqətinə çatdırılıb.
Bölmənin digər xəbərləri
