Ekoloji qanunvericiliyi pozanlar cərimələnmişlər
Bakı, 21 may (AZƏRTAC). Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları mayın 1-dən 15-dək ekoloji qanunvericiliyin tələblərinə riayət olunmasını yoxlamaq məqsədi ilə araşdırma aparmışlar.
Nazirliyin mətbuat xidmətindən AZƏRTAC-a bildirmişlər ki, araşdırma zamanı su və torpaq ehtiyatlarının, atmosfer havasının, yerin təkinin, fauna və floranın mühafizəsində, o cümlədən ətraf mühitə qanunsuz məişət və istehsalat tullantılarının atılmasında hüquqi və fiziki şəxslər tərəfindən yol qanun pozuntuları aşkar edilmişdir. Qanun pozucularına qarşı 132 akt və protokol tərtib olunmuş, nöqsanların aradan qaldırılması üçün 58 müddətli məcburi göstəriş verilmişdir.
Ümumilikdə isə ətraf mühitə dəymiş ziyana görə 750 min 775 manat məbləğində cərimə tətbiq olunmuş, 1617.1 manat məbləğində iddia qaldırılmış, ətraf mühitə tullantıların atılmasına və axıdılmasına görə hüquqi və fiziki şəxslərə 20 min 681.33 manat məbləğində ödəmə tətbiq edilmişdir.
Bölmənin digər xəbərləri
