Ekoturizm iqtisadi inkişafın təmin olunmasında mühüm rol oynayır
Bakı, 8 yanvar, AZƏRTAC
Mədəniyyət və Turizm Nazirliyinin maliyyə dəstəyi ilə “Qəbələ - sağlam mühit” İctimai Birliyi Balakən rayonunda həyata keçirilən “Şəki-Zaqatala regionu üzrə ekoturizmin inkişafı məsələləri” adlı layihə çərçivəsində tədbir keçirib.
Nazirlikdən AZƏRTAC-a bildirilib ki, tədbirdə layihənin rəhbəri Seymur Əzəmmədov layihənin necə yaranması, məzmunu, əhəmiyyəti, əhatə dairəsi haqqında təlim iştirakçılarına ətraflı məlumat verib.
Qeyd olunub ki, ekoturizm iqtisadi inkişafın təmin olunmasında mühüm rol oynayır. Ekoturizmin cazibədarlığı xidmət sahələrinin durmadan genişlənməsində, qoyulan sərmayələrin qısa müddətdə özünü doğrultmasında və gəlirin konvertasiyası mümkün olan valyuta şəklində alınmasıdır.
Tədbirdə layihənin məqsəd və perspektivləri, vəzifələri haqqında iştirakçılara geniş məlumatlar verilib.
İştirakçılara layihə çərçivəsində nəşr edilmiş bukletlər, kitabçalar və üzərində Mədəniyyət və Turizm Nazirliyinin və “Qəbələ - sağlam mühit” İctimai Birliyinin loqoları əks olunmuş köynəklər paylanılıb.
Bölmənin digər xəbərləri
