Ekspert: “Microsoft”un çökməsi kibersavaşın “əsas məşqidir”
Bakı, 20 iyul, AZƏRTAC
ABŞ-ın “Microsoft” korporasiyasının xidmətlərində yaranan qlobal nasazlıq Avstraliya üçün mümkün kibersavaşın “əsas məşqidir”.
AZƏRTAC xəbər verir ki, bu barədə Avstraliyanın informasiya texnologiyaları üzrə eksperti Riçard Bakland bildirib.
Onun sözlərinə görə, baş verənlər əslində hücum kimi görünür. "Biz indi bəlkə də belə görürük, hətta bu, sadəcə əsas məşq olsa belə, kiberhücum və ya kiberterrorizm aktı kimi görünür. Avstraliyada belə bir nasazlıqla qarşılaşmamışıq”, - o deyib.
O vurğulayıb ki, əslində nasazlıq hakimiyyətin ilkin qiymətləndirmələrinə və adətən hakerlərin və fırıldaqçıların İT sistemlərinə hücumdan əvvəl və ya onları sındırdıqdan dərhal sonra tələblər irəli sürməsinə istinad etdiyi kimi, zərərli hərəkətlərdən qaynaqlanmır.
Avstraliya böyük nasazlığın baş verdiyini bildirən ilk ölkələrdən biridir. Sistemin çökməsi hava limanlarının, bankların, ödəniş sistemlərinin işinə təsir edib, sosial şəbəkələrdə texniki problemlər ucbatından bağlanan mağazaların şəkilləri yayılıb.
Bölmənin digər xəbərləri
