Ekspert: Yaxın perspektivdə Azərbaycandan Gürcüstan limanlarına yüklərin çatdırılması maksimum üç saat çəkəcək
Bakı, 10 sentyabr, AZƏRTAC
Azərbaycan və Gürcüstan yükdaşımalarının müddətini azaltmaq üçün böyük potensiala malikdir.
AZƏRTAC xəbər verir ki, bu sözləri Bakıda keçirilən “Qara və Xəzər Logistika Forumu - 2025: Dəhlizlər, yüklər, infrastruktur” (“Black and Caspian Freight Forum – 2025”) konfransında çıxışı zamanı logistika üzrə gürcü ekspert, “Metro Logistics” şirkətinin direktoru Rostomi Lejava deyib.
O qeyd edib: “Yaxın perspektivdə Azərbaycandan Gürcüstan limanlarına yüklərin çatdırılması indiki beş saat əvəzinə üç saatdan çox çəkə bilməz. Eyni zamanda, Gürcüstanın dəmir yollarında genişmiqyaslı islahatlar və modernləşmə aparılır ki, bu da regional logistika sahəsində yeni imkanlar açır və onların potensialını artırır”.
Bununla belə, ekspertin fikrincə, əsas mesaj ondan ibarətdir ki, Orta Dəhlizin inkişafı bir ölkənin səyləri ilə mümkün deyil.
“Azərbaycansız, Qazaxıstansız Orta Dəhliz yoxdur. Eyni zamanda, Özbəkistansız, Gürcüstansız və təbii ki, Çinsiz də Orta Dəhliz yoxdur. Biz birlikdə çalışmalıyıq, əks halda, birlikdə uduzacağıq. Gəlin, itirən yox, qalib olaq”, -deyə Rostomi Lejava əlavə edib.
Bölmənin digər xəbərləri
