ELLEN MAKARTUR DÜNYA REKORDUNU TƏZƏLƏMİŞDİR
AZƏRTAC xarici KİV-lərə istinadla xəbər verir ki, britaniyalı Ellen Makartur təkbaşına yelkənli qayıqla dünya səyahətini başa vuraraq yeni rekord qazanmışdır. O, gecə Britaniya sahillərində finiş xəttini keçərək, fransalı Fransis Juayona məxsus əvvəlki rekordu təzələmişdir. Britaniya yaxtaçı 40 min kilometrlik məsafəni 71 gün 14 saat 18 dəqiqə 33 saniyəyə qət etmişdir.
Makartur finişdə demişdir: ”Mən tamam əldən düşmüşəm, bu, görünməmiş səyahət idi. Rekord vuracağıma inanırdım, lakin bunun birinci cəhddə mümkün olacağını ağlıma da gətirmirdim”.
Bölmənin digər xəbərləri
