Əmək və əhalinin sosial müdafiəsi naziri Xaçmazda vətəndaşların müraciətini cavablandıracaq
Bakı, 17 yanvar, AZƏRTAC
Əmək və əhalinin sosial müdafiəsi naziri Sahil Babayev yanvarın 26-da Xaçmaz rayonunda həmin rayonun və Quba rayonunun sakinlərini qəbul edəcək.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, vətəndaşlar yanvarın 17-19-da nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya “142” Çağrı mərkəzi ilə əlaqə saxlayaraq qəbula yazıla bilərlər.
Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.
Bölmənin digər xəbərləri
