ƏMTƏƏ DÖVRİYYƏSİNİN VƏ PULLU XİDMƏTLƏRİN HƏCMİ ARTMIŞDIR
Dövlət Statistika Komitəsindən AZƏRTAC-a bildirmişlər ki, cari ilin yanvar-may aylarında ticarət şəbəkələrindən əhaliyə ötən ilin müvafiq dövründəkindən 12,2 faiz çox, yəni 2 milyard 241,7 milyon manatlıq müxtəlif istehlak malları satılmışdır. Əmtəə dövriyyəsinin 1 milyard 465,7 milyon manatını ərzaq, 776 milyon manatını qeyri-ərzaq malları təşkil etmiş və onların satışı 2005-ci ilin beş ayı ilə müqayisədə müvafiq olaraq 9,8 və 17,2 faiz artmışdır.
İlin ötən beş ayı ərzində əhaliyə 488,3 milyon manatlıq və ya 2005-ci ilin yanvar-may ayları ilə müqayisədə 31,9 faiz çox pullu xidmət göstərilmişdir. Bunun 74,5 faizi hüquqi, 25,5 faizi fiziki şəxslərin payına düşmüşdür.
Bölmənin digər xəbərləri
