ENERGETİKLƏRİN KİMSƏSİZ UŞAQLARA YENİ İL SOVQATI
“Azərenerji” Səhmdar Cəmiyyətinin nümayəndələri yeni il bayramı ərəfəsində “Ümid yeri” xeyriyyə cəmiyyətinə gedərək, burada sığınacaq tapmış kimsəsiz uşaqları təbrik etmişlər. Bu cəmiyyəti ictimai əsaslarla telejurnalist Nigar Mənsimli yaratmışdır.
Azərbaycan energetikləri “Ümid yeri” cəmiyyətinə neçə ildir himayədarlıq edirlər. Onlar bu dəfə də uşaqların yanına əliboş gəlməmişlər, onlara şirniyyat, kitablar, oyuncaqlar, isti ayaqqabılar və gödəkçələr paylamışlar.
Səhmdar Cəmiyyətinin prezidenti Etibar Pirverdiyev bildirmişdir ki, bu uşaqların sosial-məişət şəraitini yaxşılaşdırmaq üçün Yasamal rayonunda “Azərenerji”nin balansında olan ikimərtəbəli bina xeyriyyə cəmiyyətinə verilir.
Bölmənin digər xəbərləri
