ERMƏNİ VƏHŞİLİKLƏRİNİ ƏKS ETDİRƏN SƏNƏDLİ ROMAN ÇAP OLUNMUŞDUR

28.11.2005 [12:15]
Çap et
A⁺ A^-

AZƏRTAC xəbər verir ki, Yazıçılar və Jurnalistlər birliklərinin üzvü Eldar İsmayılın erməni faşistlərinin əsrlərdən bəri xalqımızın başına gətirdiyi müsibətlərdən bəhs edən “Səttar oğlu” sənədli romanı “Nurlan” nəşriyyatında çapdan çıxmışdır.

Kitabda qədim türk torpaqları olan indiki Ermənistan ərazisində ermənilərin apardığı işğalçılıq müharibələri, soydaşlarımızın mənəvi və fiziki soyqırıma məruz qalması, kənardan gətirilmə ermənilərin burada yerləşdirilməsi təkzibolunmaz zəngin faktlar və bədii boyalarla göstərilmişdir.

Əsərin qanlı faciələrə, sürgünlərə düçar olan qəhrəmanı Musa Səttar oğlu ömrü boyu yadellilərə qarşı mübarizə aparır, ölüm ayağında isə bu mübarizənin davamını övladlarına vəsiyyət edir.

Vətənpərvərliyə, millətsevərliyə və sayıqlığa çağıran kitabın redaktoru akademik Teymur Bünyadovdur.