Ermənilər ekoloji gərginlik yaradır
Bakı, 2 aprel (AZƏRTAC). Kəlbəcər rayonunun ərazisindəki Söyüdlü, Ağduzdağ, Tutxun qızıl və Qamışlı, Ağqaya civə yataqları; İstisu, Keşdək, Qarasu, Tutxun, Mozçay, Qoturlusu kimi çox böyük müalicəvi təsirə malik mineral su mənbələri və digər təbii sərvətlər 18 ildir ki, ermənilər tərəfindən talan edilir.
Ekologiya və Təbii Sərvətlər Nazirliyindən AZƏRTAC-a bildirmişlər ki, Sərsəng su anbarının sağ və sol sahilindən çəkilmiş magistral kanallar vasitəsilə Tərtər, Bərdə, Yevlax, Ağcabədi, Ağdam və Goranboy rayonlarının 79 min hektar əkin sahəsi suvarılırdı. Anbar işğalçıların nəzarəti altına keçəndən bəri ermənilər su lazım olmayan vaxtlarda, xüsusilə qış aylarında illik su sərfinin 85-90 faizini bu kanallara buraxıb süni daşqınlar yaradırlar. Əkinləri suvarmaq üçün su lazım olanda isə illik su normasının 10-15 faizi verilir. Nəticədə suyun səviyyəsi aşağı düşür, əkin sahələrinə xeyli ziyan dəyir, yaşıllıqlar məhv olur, ciddi ekoloji gərginlik yaranır.
Bölmənin digər xəbərləri
