Ermənistan ordusunun üç zabiti yol-nəqliyyat hadisəsi nəticəsində ağır xəsarət alıb
Bakı, 28 iyul, AZƏRTAC
Ermənistan silahlı qüvvələrinin üç zabiti yol-nəqliyyat hadisəsi nəticəsində müxtəlif dərəcəli bədən xəsarətləri alıb.
AZƏRTAC bu ölkə KİV-inə istinadla xəbər verir ki, yayılan məlumatlarda zabitlərin xəsarət alması faktının ictimaiyyətdən gizlədilməsinə çalışıldığı bildirilir. Rəhbərlik tərəfindən faktın ört-basdır edilməsi narazılığa səbəbə olduğundan, qəza barədə zabitlərin qohumları və hadisənin şahidləri sosial şəbəkələrdə paylaşımlar ediblər.
Məlumatda bildirilir ki, avtomobil qəzası nəticəsində yaralanan hərbi hissənin qərargah rəisi və komandirin texnika üzrə müavini ağır vəziyyətdə hospitala çatdırılıblar. Üçüncü hərbi qulluqçu isə müayinədən sonra evə buraxılıb.
Hadisənin şahidləri bildiriblər ki, qəzaya uğrayan avtomobil tam yararsız vəziyyətə düşüb.
Faktla bağlı araşdırma aparılsa da, xəsarət alan hərbçilərin vəziyyəti barədə heç bir rəsmi aşıqlama verilmir.
Bölmənin digər xəbərləri
