Ətraf mühitin mühafizəsində gənclərin fəal iştirakını təmin etmək üçün çarx hazırlanmışdır
Bakı, 24 iyul (AZƏRTAC). “Təmiz Şəhər” Açıq Səhmdar Cəmiyyəti (ASC) “Sabahı düşün!” devizi ilə internet istifadəçiləri üçün hazırladığı çarxı ictimaiyyətə təqdim etmişdir.
ASC-nin mətbuat xidmətindən AZƏRTAC-a bildirmişlər ki, məqsəd gənclərdə “yaşıl düşüncə”nin formalaşdırılması, ətraf mühitin mühafizəsində və tullantıların düzgün idarə olunmasında onların fəal iştirakını təmin etməkdir.
Çarxda tullantıların ətraf mühitə, təbiətə mənfi təsirləri barədə məlumat verilmiş, tullantıların düzgün idarə edilməsinin əhəmiyyəti vurğulanmışdır.
Gəncləri təmizliyin qorunmasında daha fəal iştirak etməyə səsləyən çarxı http://www.youtube.com/watch?v=f6MBDC3Mf00 linki vasitəsilə izləmək olar.
Bölmənin digər xəbərləri
