Ətraf mühitin mühafizəsində gənclərin rolu vacibdir
Bakı, 5 iyun (AZƏRTAC). İyunun 5-də Ekologiya və Təbii Sərvətlər Nazirliyinin “Orxus” ictimai ekoloji informasiya mərkəzində “Ətraf mühitin mühafizəsində gənc nəslin rolu” mövzusunda tələbə və müəllimlərin iştirakı ilə tədbir keçirilmişdir.
Nazirliyin mətbuat xidmətindən AZƏRTAC-a bildirmişlər ki, tədbirdə ətraf mühitin mühafizəsi, təbii sərvətlərdən səmərəli istifadə edilməsi sahəsində görülən işlər barədə məlumat verilmiş, o cümlədən ekoloji problemlərin həllində gənclərin rolunun vacibliyi vurğulanmışdır.
Ali təhsil müəssisələrinin müəllim və tələbələri öz çıxışlarında son dövrlərdə ekologiya və ətraf mühitin mühafizəsi ixtisaslarına gənclərin daha çox maraq göstərdiklərini qeyd etmişlər.
Sonda nazirliyin mütəxəssisləri tələbələrin suallarını cavablandırmışlar.
Bölmənin digər xəbərləri
