“EYOF 2019”: Atletika yarışlarının ikinci günündə ilk qızıl medala türkiyəli atlet sahib olub
Bakı, 23 iyul, AZƏRTAC
İyulun 23-də XV Avropa Gənclər Olimpiya Festivalının atletika yarışlarının ikinci günündə ilk medalın sahibi müəyyənləşib.
AZƏRTAC xəbər verir ki, nüvəitələmə üzrə qızların yarışında qızıl medalı 17,88 metr nəticə göstərən türkiyəli Pınar Akyol qazanıb. Moldovalı atlet Nina Çapatina 17,16 metr nəticə göstərərək gümüş medala sahib olub. İlk üçlüyü isə almaniyalı Sina Pruefer 16,84 metr nəticə ilə tamamlayıb.
Mükafatlandırılma mərasimində medalları atletlərə Azərbaycan Atletika Federasiyasının vitse-prezidenti Firat Hüseynov təqdim edib.
“EYOF 2019”un atletika yarışlarına iyulun 27-də yekun vurulacaq.
Bölmənin digər xəbərləri
