FAO-NUN İNTERNET SƏHİFƏSİNƏ DAXİL EDİLMİŞDİR
İnstitutdan AZƏRTAC-a bildirmişlər ki, Biomüxtəlifliyin Genetik Ehtiyatları Üzrə Milli Proqramın rəhbəri, Milli Məclisin deputatı, akademik Cəlal Əliyevin başçılığı ilə “Azərbaycanın flora, fauna və torpaq örtüyünün biomüxtəlifliyinin öyrənilməsi, genofondun qorunması və səmərəli istifadəsi” sahəsində tədqiqatlar uğurla davam etdirilir. Həmin proqrama uyğun olaraq, ötən il respublikamızda kənd təsərrüfatı heyvanlarının genetik ehtiyatları barədə məlumat hazırlanmış və FAO-ya təqdim edilmişdir. Məlumatda Azərbaycanın yerli-aborigen, habelə seleksiya yolu ilə yaradılmış kənd təsərrüfatı heyvanlarının cinslərini səciyyələndirən bioloji-təsərrüfat göstəriciləri ətraflı şərh edilir.
FAO-nun mütəxəssisləri məlumatı yüksək qiymətləndirmiş və bundan dünya ölkələrinin model kimi istifadə olunmasına razılıq verildiyinə görə Azərbaycana təşəkkür etmişlər. Dünyanın müxtəlif ölkələrindən Genetik Ehtiyatlar İnstitutuna göndərilən məktublarda kənd təsərrüfatı heyvanlarının genetik ehtiyatlarına dair məlumatın hazırlanmasınada iştirak edən alim və mütəxəssislərə də minnətdarlıq bildirilir.
Bölmənin digər xəbərləri
