FİZİKA ÜZRƏ NOBEL MÜKAFATINA AMERİKALILAR LAYİQ GÖRÜLDÜLƏR
2006-cı ilin fizika üzrə Nobel mükafatına “Kainatın inkişafını izləməyə və kosmosun, ulduzların və qalaktikaların meydana gəlməsi prosesini başa düşməyə imkan verən işə görə” ABŞ alimləri Corc Smut və Con Mazer layiq görülmüşlər. AZƏRTAC İTAR-TASS-a istinadla xəbər verir ki, bunu İsveç Kral Elmlər Akademiyası elan etmişdir.
Akademiyanın Nobel Komitəsinin bəyanatında deyilir ki, mükafat “kosmik fon şüalanmasının mütləq qara cisimlərinin formalarının və anizotropluğun kəşfinə görə” verilmişdir. Sənəddə həmçinin bildirilir ki, laureatların tədqiqatlarının nəticələri Kainatın meydana gəlməsinə “Böyük partlayış”ın səbəb olduğu barədə hipotezanı bir daha təsdiqləmişdir.
Bölmənin digər xəbərləri
