FLORİDADA TİMSAHLAR DAHA İKİ NƏFƏRİ ÖLDÜRMÜŞDÜR

15.05.2006 [22:37]
Çap et
A⁺ A^-

AZƏRTAC Assoşieyted Press agentliyinə istinadla xəbər verir ki, 1938-ci ildən bəri Florida ştatında timsahlar 17 nəfəri öldürmüşdü. Lakin bu il artıq üç nəfər onların qurbanı olmuşdur. Mayın 12-də Forta Lauderdeyla qəsəbəsində 28 yaşlı Yovi Cimenez itkin düşmüşdür. Məlum olmuşdur ki, nöhürün yanında idmanla məşğul olan qadına timsah hücum etmişdir. Onun cəsədinin müayinəsi göstərmişdir ki, qadın çoxlu qan itirməsi və timsahın dişləməsindən şoka düşməsi nəticəsində həlak olmuşdur.

Daha bir belə hadisə mayın 14-də baş vermişdir. Corc gölündə timsah 23 yaşlı qıza hücum etmişdir. O, sualtı üzgüçülüklə məşğul olurmuş. Hadisə qızın qohumlarının gözü qarşısında baş vermişdir. Elə həmin gün Floridanın digər rayonunda daha bir qadın timsahın qurbanı olmuşdur. Xilasedicilər qatil timsahların axtarışına başlamışlar.

Məlumdur ki, ilin bu vaxtında timsahlar daha fəal olurlar. Floridanın yabanı təbiəti mühafizəsi komissiyasının üzvü bildirmişdir ki, havalar qızdığca timsahlarda maddələr mübadiləsi sürətlənir, onların iştahası artır.

FLORİDADA TİMSAHLAR DAHA İKİ NƏFƏRİ ÖLDÜRMÜŞDÜR

MÜƏLLİFLƏ ƏLAQƏ

Bölmənin digər xəbərləri