Futbol üzrə Azərbaycan Premyer Liqasının XXI turunun oyun cədvəli müəyyənləşib
Bakı, 31 mart, AZƏRTAC
Futbol üzrə Azərbaycan Premyer Liqasının XXI turunun oyun cədvəli müəyyənləşib.
AZƏRTAC xəbər verir ki, iki günü əhatə edəcək tura aprelin 1-də start veriləcək. İlk oyun günündə “Zirə” səfərdə “Kəpəz”in qonağı olacaq. Günün digər qarşılaşmasında isə “Qarabağ” və “Keşlə” klubları üz-üzə gələcəklər.
Turun ikinci gününün ilk qarşılaşmasında “Qəbələ” doğma meydanda “Sumqayıt” klubunu qəbul edəcək. Turun sonuncu matçında isə “Neftçi” və “Səbail” klubları qarşılaşacaqlar.
Qeyd edək ki, turnir cədvəlinə 49 xalla “Qarabağ” komandası başçılıq edir. “Qəbələ” 39 xalla ikinci, “Sumqayıt” 34 xalla üçüncü, “Zirə” 33 xalla dördüncü, “Neftçi” 27 xalla beşinci yeri tutur. Sonrakı yerlərdə “Səbail” (18 xal), “Keşlə” (16 xal) və “Kəpəz” (10 xal) qərarlaşıb.
Bölmənin digər xəbərləri
