FUTBOL ÜZRƏ AZƏRBAYCAN YIĞMA KOMANDASININ QAPIÇISININ ZƏDƏSİ HƏLƏ SAĞALMAMIŞDIR
Bakı, 27 iyul (AZƏRTAC). Futbol üzrə Azərbaycan yığma komandasının iyulun 29-dan avqustun 6-dək Bakıda keçiriləcək toplantısında qapıçı Kamran Ağayev iştirak etməyəcəkdir.
AFFA-nın mətbuat xidmətindən verilən məlumata görə, qapıçının zədəsi hələ sağalmamış və hazırda o, fərdi proqram üzrə məşq edir.
Xatırladaq ki, paytaxtın “Bakı” və Ağdamın “Qarabağ” komandaları Avropa kuboku görüşlərinə hazırlaşdıqlarına görə, onların oyunçuları yığma komanda futbolçularının ilkin siyahısına daxil edilməmişdir.
Bölmənin digər xəbərləri
