Gəncə şəhərində qanunsuz ağac kəsən şəxs cərimələnib
Bakı, 14 avqust, AZƏRTAC
Ekologiya və Təbii Sərvətlər Nazirliyinin “Qaynar xətt”inə Gəncə şəhər sakini Hüseyn Əhmədov Üzeyir Hacıbəyli küçəsində ağacların qanunsuz kəsilməsi ilə bağlı şikayət edib. Nazirliyin yerli qurumlarının əməkdaşları şikayəti dərhal yerində araşdırıblar.
Nazirliyin mətbuat xidmətindən AZƏRTAC-a bildirilib ki, əraziyə keçirilən baxış zamanı bir ağacın qanunsuz olaraq kəsildiyi məlum olub.
Araşdırma zamanı yaşköküstə ağacın həmin ünvanda yaşayan Gövhər Quliyeva tərəfindən aparılan tikinti işləri zamanı kəsildiyi aşkar edilib. Faktla bağlı qanun pozucusu barəsində protokol tərtib olunub və ona inzibati xəta törətdiyinə görə qanunauyğun qaydada 2920 manat məbləğində cərimə və ziyan tətbiq edilib.
Bölmənin digər xəbərləri
