GƏNCƏDƏ SİMSİZ RABİTƏ XİDMƏTİ FƏALİYYƏTƏ BAŞLADI
Gəncə abonentləri simsiz rabitə xidmətindən yararlanmaq imkanı əldə etmişlər. Bu, şəhər telekommunikasiya idarəsinin CDMA (Divisi Multiple Accass) sistemini tətbiq etməsi sayəsində mümkün olmuşdur. Gəncə telekommunikasiya idarəsinin rəisi Əli Hüseynov AZƏRTAC-ın müxbirinə demişdir ki, Çinin “HUAWEL” şirkətinin mütəxəssisləri idarədə 1000 nömrəlik müasir tipli avadanlıq quraşdırmışlar. Onun köməyi ilə hazırda Gəncənin paylayıcı stansiyalar olmayan ərazilərində sakinlərə yüksək keyfiyyətli rabitə xidməti göstərilir.
Yeni texnologiya eyni vaxtda üç zəng qəbul etmək kimi bir çox üstünlüklərə malikdir. Bundan əlavə, abonent telefon aparatını götürüb 22 kilometr məsafəyə aparıb oradan istədiyi yerə zəng edə bilər. Yeni sistemdə beynəlxalq danışıqların qiyməti də ucuzdur.
Bölmənin digər xəbərləri
