Gəncədəki Heydər Əliyev park kompleksinə Qafqaz dələləri gətirilmişdir
Gəncə, 10 iyun (AZƏRTAC). Zəngin bitki aləmi ilə insanları özünə cəlb edən Gəncədəki Heydər Əliyev park kompleksinə 20 ədəd Qafqaz dələsi gətirilərək burada yaradılan canlı guşəyə buraxılmışdır.
Şəhər icra hakimiyyətindən AZƏRTAC-a demişlər ki, dələlərin qidalanması və nəsil artırması üçün parkda hər bir şərait yaradılmışdır. Park kompleksinə marağı artırmaq məqsədilə yaxın vaxtlarda onların sayının 50-yə çatdırılması nəzərdə tutulmuşdur. Bundan əlavə, parkda 7 hektar ərazini əhatə edən süni gölün ətrafında heyvanat guşəsinin yaradılması da qərara alınmışdır.
Gəncə Şəhər İcra Hakimiyyətinin IDEA (Ətraf Mühitin Mühafizəsi Naminə Beynəlxalq Dialoq) İctimai Birliyi ilə birgə layihəsi olan bu tədbir yaxın vaxtlarda reallaşacaqdır.
Bölmənin digər xəbərləri
