Gəncəlilər ölkə başçısının ad günü şərəfinə ağacəkmə aksiyasına başlamışlar
Gəncə, 23 dekabr (AZƏRTAC). Gəncə Şəhər İcra Hakimiyyəti İDEA təşkilatı ilə birlikdə ölkə başçısı İlham Əliyevin ad günü şərəfinə ağacəkmə aksiyasına başlamışdır.
AZƏRTAC xəbər verir ki, dekabrın 30-dək davam edəcək aksiyada demək olar şəhərin bütün sakinləri, idarə, müəssisə və təşkilat kollektivləri, eləcə də təhsil, səhiyyə və mədəniyyət işçiləri böyük həvəslə iştirak edirlər. Qərara alınmışdır ki, bu müddət ərzində şəhərin müxtəlif park və xiyabanlarında 52 min ağac əkilsin.
İlk aksiya dekabrın 22-də keçirilmiş və həmin gün 10 minədək ağac əkilmişdir.
Bölmənin digər xəbərləri
