CƏMİYYƏT
Gənclər evi - gənclərin ətraf mühit məsələlərində iştirakının gücləndirilməsi üçün platformadır
![Gənclər evi - gənclərin ətraf mühit məsələlərində iştirakının gücləndirilməsi üçün platformadır](/files/2013/3/1200x630/14071451131754345995_1200x630.jpg)
Lənkəran, 6 noyabr (AZƏRTAC). Lənkəran şəhərindəki Gənclər Mərkəzində “Gənclər evi-gənclərin ətraf mühit məsələlərində iştirakının gücləndirilməsi üçün platformadır” mövzusunda konfrans keçirilmişdir.
AZƏRTAC xəbər verir ki, Azərbaycan Respublikası Gənclər Təşkilatları Milli Şurasının, Avropa Birliyinin və UNİCEF-in Azərbaycan nümayəndəliklərinin, Gənclər və İdman Nazirliyinin, Ekologiya və Təbii Sərvətlər Nazirliyinin birgə təşkilatçılığı ilə keçirilən tədbirin məqsədi gənclər evlərinin potensialını gücləndirmək, idarəetmədə və qərar qəbulu proseslərində gənclərin rolunun effektiv artırılması haqqında fikir mübadiləsi aparmaq olmuşdur.
Goranboy, Göygöl, Lənkəran, Sabirabad və Yevlax rayonlarının gənclərinin, Lənkəran Rayon İcra Hakimiyyətinin təmsilçilərinin iştirak etdiyi tədbirdə gənclərlə bir sıra görüşlər keçirilmiş, regionun gələcək inkişafı ilə bağlı onların təklifləri dinlənilmişdir.