GEOLOQLARIMIZ RUSİYALI HƏMKARLARI İLƏ BİRGƏ İŞ APARMIŞLAR
AMEA-nın Yer elmləri bölməsinin mətbuat xidmətindən AZƏRTAC-a bildirmişlər ki, əsası 2004-cü ildə qoyulmuş layihə “Qaraca (Mingəçevir) kəsilişinin paleomaqnit məlumatlarına əsasən geomaqnit sahəsinin təkamülünün öyrənilməsi” adlanır. Hazırda layihənin tamamlama işləri gedir və mühüm elmi nəticələr əldə olunmuşdur.
İnstitutun elmi nəşrlərin redaksiya hazırlığı şöbəsinin rəhbəri, geologiya–mineralogiya elmləri namizədi Qurban Əliyevin bildirdiyinə görə, ikiillik tədqiqatların nəticələri göstərir ki, Qaraca kəsilişi beynəlxalq miqyasda birinci dərəcəli klassik kəsilişdir və YUNESKO–nun nadir geoloji obyektlər reyestrinə salınmağa layiqdir. Bu tədqiqat obyektinin bir kilometrlik kəsilişində son 1 milyon il ərzində Azərbaycanın iqlim şəraitinin tektonik və geomaqnik tarixi dəqiqliklə əks olunur. Obyektin ən əhəmiyyətli xüsusiyyətlərindən biri odur ki, burada Xəzərin geoloji və geomaqnit tarixi də əks olunur.
Qaraca kəsilişində son 1 milyon il ərzində ən azı üç iri tektonik aktivləşmə mərhələsinin mövcud olduğu aşkarlanmışdır.
Bölmənin digər xəbərləri
