“Goldman Sachs”: Hörmüz boğazında tankerlərin hərəkəti normal səviyyənin 10 faizinə bərabərdir
Bakı, 15 aprel, AZƏRTAC
Hörmüz boğazında gəmilərin hərəkəti hələ də məhduddur və hazırda normal səviyyənin yalnız 10 faizini təşkil edir.
AZƏRTAC xəbər verir ki, bu barədə ABŞ-nin qabaqcıl investisiya banklarından olan “Goldman Sachs”ın məlumatında deyilir.
“Goldman Sachs”ın analitiklərinə görə, son 4 günlük dövrdə boğazdan tankerlərlə neft və neft məhsullarının nəqlinin həcmi orta hesabla sutkada təxminən 2,1 milyon barel olub.
Bank Yaxın Şərqdə xam neft istehsalındakı pozuntuların əvvəlcə gözlənildiyi qədər ciddi görünmədiyini qeyd edib. “Goldman Sachs”a görə, mart ayında Körfəzdə orta gündəlik hasilatın azaldılması təxminən 8 milyon barel təşkil edib. Bu, qismən saxlama yerlərindən istifadənin artması və tankerlərdə saxlanılan neft miqdarının artması ilə əlaqədardır.
Mütəxəssislərin fikrincə, ABŞ-nin İran limanlarını hədəf alan blokadası qalan gəmi axınlarına əlavə təzyiq göstərə bilər. Rəsmi Vaşinqton bəzi gəmilərin ilk 24 saat ərzində geri döndüyünü, İran xaricindəki limanlardan tranzitin isə davam etdiyini bildirib.
Bölmənin digər xəbərləri
