GÖMRÜK MƏCƏLLƏSİNƏ DƏYİŞİKLİKLƏR VƏ ƏLAVƏLƏR EDİLƏCƏKDİR

11.05.2004 [23:17]
Çap et
A⁺ A^-

AZƏRTAC xəbər verir ki, mayın 11-də Milli Məclisin İqtisadi siyasət, elm və təhsil, hüquq siyasəti və dövlət quruculuğu məsələləri daimi komissiyalarının birgə iclası keçirilmişdir.

İclasda “Azərbaycan Respublikasının Gömrük Məcəlləsinə dəyişikliklər və əlavələr edilməsi haqqında” qanun layihəsi müzakirə olunmuşdur.

İqtisadi siyasət daimi komissiyasının sədri Səttar Səfərov demişdir ki, Azərbaycan Prezidentinin imzası ilə parlamentə daxil olan sənəddə Gömrük Məcəlləsinə “Əqli mülkiyyət hüquqlarının qorunması və tərkibində əqli mülkiyyət obyektləri olan mallara gömrük nəzarəti” və “Tərkibində əqli mülkiyyət obyektləri olan malların gömrük rəsmiləşdirilməsi və onların üzərində gömrük nəzarətinin xüsusiyyətləri” adlı fəsillərin əlavə olunması təklif edilir.

Əlaqədar təşkilatların nümayəndələrinin rəy və təklifləri dinlənildikdən sonra layihənin Milli Məclisin müzakirəsinə çıxarılması qərara alınmışdır.