Göyçayda “Yaşıllıq” aylığında 10 min ağac əkilmişdir
Göyçay, 18 aprel (AZƏRTAC). Göyçay rayonunda yaşıllıqların salınması uğurla davam etdirilir. AZƏRTAC xəbər verir ki, rayon icra hakimiyyətinin başçısı Mənsur Məmmədovun müvafiq sərəncamına uyğun olaraq mart-aprel ayları “Yaşıllıq” aylığı elan olunmuşdur. Bu məqsədlə həyata keçirilən ağac əkini kampaniyası uğurla davam etdirilir.
Yaşıllaşdırma tədbirlərində müxtəlif idarə və təşkilatların kollektivləri ilə yanaşı, sadə vətəndaşlar da yaxından iştirak edirlər. Bugünədək Heydər Əliyev prospektinin, M.Fizuli, M.Ə.Sabir, M.Hüseynzadə, Ə.Kərim, Natəvan, Nizami və digər küçələrin kənarlarına, istifadəsiz qalmış boş torpaq sahələrinə, park və bağlara, sosial obyektlərin ətrafına, Bakı-Şamaxı-Yevlax avtomobil yolunun kənarına, kəndlərdə bələdiyyə və icra nümayəndəliklərinin, bağça və məktəblərin qarşısına 10 min ədəd çinar, qovaq, akasiya, sərv, küknar və meyvə ağacı tingi əkilmişdir.
Bölmənin digər xəbərləri
