Gürcüstan hökumətinə verilən səlahiyyətin müddəti uzadılıb
Tbilisi, 22 iyun, AZƏRTAC
Koronavirus pandemiyasına qarşı mübarizə aparmaq və koronavirusun yayılmasına qarşı müvəqqəti tədbirlər görmək üçün Gürcüstan hökumətinə verilən səlahiyyət müddəti yenidən uzadılıb.
AZƏRTAC xəbər verir ki, bununla bağlı parlament "Xalqın sağlamlığı haqqında" qanuna dəyişiklik edib.
Qanuna əsasən, pandemiya zamanı hökumətə və onun təyin etdiyi nazirliklərə pandemiya ilə mübarizə aparmaq və yeni koronavirusun yayılmasının qarşısını almaq üçün məhdudiyyətlər tətbiq etmək səlahiyyəti 2022-ci il yanvarın 1-dək uzadılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
