Gürcüstan parlamentinin sədri: Salome Zurabişvili Konstitusiya Məhkəməsinə müraciət etməklə onun legitimliyini tanıyır
Tbilisi, 15 iyul, AZƏRTAC
Gürcüstan Prezidenti Salome Zurabişvili Konstitusiya Məhkəməsinə müraciət etməklə onun legitimliyini və müvafiq olaraq impiçmentin legitimliyini tanıyır.
AZƏRTAC xəbər verir ki, bu barədə Gürcüstan parlamentinin sədri Şalva Papuaşvili bildirib.
O deyib ki, əgər prezident S.Zurabişvilinin belə maraqları varsa, tutduğu vəzifədən istefa verməlidir. Çünki o, bu yolla özünün impiçmentinin legitimliyini tanıyıb.
Qeyd edək ki, keçən il Konstitusiya Məhkəməsi prezidentin xaricə icazəsiz səfərləri ilə əlaqədar ölkənin əsas qanunlarını pozduğunu təsdiqləsə də, hakim partiya impiçment üçün kifayət qədər səs toplaya bilməmişdi. S.Zurabişvili isə Konstitusiya Məhkəməsinin legitimliyini tanımadığını iddia etmişdi. Bu gün isə o, Konstitusiya Məhkəməsi qarşısında iddia qaldırıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
