GÜRCÜSTAN TƏRƏFİ HƏBS OLUNMUŞ RUS ZABİTLƏRİNİ ATƏT-İN RƏHBƏRİNƏ TƏHVİL VERİB

02.10.2006 [21:14]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstan tərəfi bir neçə gün əvvəl bu ölkənin əleyhinə casusluqda şubhəli bilinib ikiaylıq həbs cəzası kəsilmiş dörd nəfər yüksəkrütbəli rus zabitini Tbilisidə səfərdə olan ATƏT-in hazırkı sədri Karel de Quxta təhvil vermişdir.

Gürcüstan Prezidenti Mixail Saakaşvili casusluqda şübhəli sayılan rus zabitlərinin beynəlxalq hüquq normalarına uyğun olaraq tutulduğunu bildirmiş, Gürcüstan tərəfinin humanistlik nümayiş etdirib onları ATƏT-in rəhbərinə təhvil verdiyini demişdir.

ATƏT sədri bu addıma görə Gürcüstan rəhbərliyinə təşəkkür etmişdir.

Gürcüstan Baş Prokurorluğunda rus zabitlərinə onların bu ölkəyə gəlişinin qadağan oluduğunu bəyan etmişlər.

Xatırladaq ki, Karel de Quxt Gürcüstana oktyabrın 2-də günün ikinci yarısında Yerevandan gəlmişdir. Oktyabrın 3-də o, Tbilisidən Bakıya gedəcəkdir.