Gürcüstanda seysmoloqlar üçün yay məktəbi təşkil olunacaqdır
Bakı, 3 aprel (AZƏRTAC). NATO-nun Cənubi Qafqaz regionunda keçirdiyi layihə çərçivəsində ölkəmizdə səfərdə olan ABŞ və Gürcüstan seysmoloqlarından ibarət nümayəndə heyəti AMEA Respublika Seysmoloji Xidmət Mərkəzində (RSXM) olmuşlar.
RSXM-in mətbuat xidmətindən AZƏRTAC-a bildirmişlər ki, Gürcüstan Yer Elmləri İnstitutu direktorunun müavini Tea Godoladze layihənin sonuncu mərhələsində ölkəsində keçiriləcək yay məktəbi haqqında danışmışdır. T.Godoladze bildirmişdir ki, Azərbaycan, Gürcüstan və Amerikanın gənc mütəxəssisləri, tələbələri üçün nəzərdə tutulan yay məktəbində tərəflər qarşılıqlı əməkdaşlıq və təcrübə mübadiləsindən yararlana biləcəklər.
Bölmənin digər xəbərləri
