Gürcüstanda yaşayan azərbaycanlı qadınlar arasında həmrəylik güclənir
Tbilisi, 14 sentyabr. AZƏRTAC
Gürcüstanın Laqodexi bələdiyyəsinin azərbaycanlılar yaşayan Qabal kəndində qadınların ictimai fəallığının artırılması və həmrəyliyinin gücləndirilməsi məqsədilə "Qadınlar Cəmiyyəti" təsis edilib.
AZƏRTAC xəbər verir ki, təşkilati məsələlərlə bağlı keçirilən seçim nəticəsində Qabal, Qaracalar, Gəncəli və Uzuntala kəndlərini təmsil edən 13 nəfərlik heyət formalaşdırılıb. Qabal mahalı üzrə "Qadınlar Cəmiyyəti"nin rəhbəri Tamilə Vəliyeva seçilib.
Yeni yaradılan cəmiyyətin əsas məqsədi qadınları bir araya gətirmək, onların ictimai fəallığını artırmaq, bilik və təcrübə mübadiləsini gücləndirməkdir.
Bundan əlavə, ehtiyacı olan ailələrə dəstək göstərmək, qadınların və gənclərin maarifləndirilməsinə töhfə vermək, eləcə də yerli icmanın inkişafında qadınların rolunu yüksəltmək təşkilatın prioritetləri sırasındadır.
Bölmənin digər xəbərləri
