DÜNYA
Gürcüstanın Konstitusiya Məhkəməsi müxalifətin iddia ərizəsini qəbul etməyib
Tbilisi, 3 dekabr, AZƏRTAC
Gürcüstanın Konstitusiya Məhkəməsi (KM) oktyabrın 26-da keçirilən seçkilərin nəticələrinin ləğvi ilə bağlı ölkə prezidentinin və bəzi müxalifət partiyalarının iddia ərizəsini qəbul etməyib.
AZƏRTAC xəbər verir ki, Məhkəmə iddiaları əsassız adlandırıb.
Qeyd edək ki, oktyabrın 26-da Gürcüstanda keçirilən parlament seçkilərində hakim “Gürcü Arzusu- Demokratik Gürcüstan” partiyası qalib gəlib.
Prezident Salome Zurabişvili və müxalifət təmsilçiləri seçkinin nəticələrini tanımaqdan imtina etmiş, səsvermənin nəticələrinin ləğvi ilə bağlı Konstitusiya Məhkəməsinə müraciət etmişdi.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
