HANNOFERDƏ ÜÇ NƏHƏNG BOMBA ZƏRƏRSİZLƏŞDİRİLMİŞDİR
Hər an partlamaq təhlükəsi olan hər üç bomba şəhərin mərkəzi hissəsində torpağın dərinliklərində təsadüfən aşkar olunmuşdur.
Fövqəladə hallar üzrə təhlükəsizlik qüvvələrinin məlumatına görə, bombaların zərərsizləşdirilməsi əməliyyatı başlanmazdan bir həftə öncə, Hannofer şəhərinin 22 min sakininin hamısı yaşayış yerlərindən, hətta xəstəxanalardakı xəstələr evakuasiya olunmuş, nəqliyyatın hərəkəti dayandırılmışdır. Əhalini gərgin vəziyyətdə saxlayan təhlükəli zərərsizləşdirmə əməliyyatı 11 saat davam etmişdir. Yalnız bundan sonra sakinlər avtobuslarda yaşayış yerlərinə daşınmışlar.
Xatırladaq ki, İkinci Dünya müharibəsinin sonunda ingilis və amerikan bombardmanına məruz qalmış Hannofer şəhərinin 90 faizi dağılmışdır. Mütəxəssislərin dediyinə görə, 62 il öncə şəhər üzərinə yağdırılan bir neçə min bombadan bir hissəsi hələ də torpaq altında partlamamış qalmaqdadır.
Bölmənin digər xəbərləri
