I Divizionda noyabr ayının ən yaxşı qolunun müəllifi açıqlanıb
Bakı, 9 dekabr, AZƏRTAC
Peşəkar Futbol Liqasının (PFL) həyata keçirdiyi “I Divizionda ayın ən yaxşı qolu” layihəsinin növbəti qalibi müəyyənləşib.
AZƏRTAC qurumun rəsmi saytına istinadla xəbər verir ki, PFL-in azarkeşlər və idman jurnalistləri arasında keçirdiyi sorğunun nəticəsinə əsasən, noyabrın ən yaxşı qolunun müəllifi “Bakılı”nın futbolçusu Nurlan Məmmədzadə seçilib.
N.Məmmədzadə azarkeşlərin seçimi zamanı “Qaradağ Lökbatan”ın oyunçusu Emin Mustafayevi, jurnalistlərin səsverməsinin nəticəsinə görə isə “Zaqatala”nın futbolçusu Ruslan Tağızadəni üstələyib.
Media nümayəndələri və futbolsevərlərin seçimi eyni olduğuna görə, qaydalara əsasən PFL səsvermə hüququndan istifadə etməyib.
Xatırladaq ki, PFL artıq 3-cü dəfədir ki, bu layihəni həyata keçirir. Ən yaxşı qolun müəllifi mükafatına daha öncə Qeyrət Qənbərov (“Şəmkir”) və Emin Mehtiyev (“Zaqatala”) layiq görülüblər.
Bölmənin digər xəbərləri
