İƏT-ə üzv ölkələrin Milli Xəbər Agentlikləri Birliyi ilə AZƏRTAC vebinar təşkil edəcək
Bakı, 7 dekabr, AZƏRTAC
Dekabrın 16-da İslam Əməkdaşlıq Təşkilatına (İƏT) üzv ölkələrin Milli Xəbər Agentlikləri Birliyinin (UNA) və bu qurumun büro üzvü - Azərbaycan Dövlət İnformasiya Agentliyinin (AZƏRTAC) birgə təşkilatçılığı ilə “Rəqəmsal xəbər istehsalı bacarıqları” mövzusunda vebinar keçiriləcək.
İngilis dilində olacaq tədbirdə AZƏRTAC-ın əməkdaşları mövzu üzrə treninq keçirəcəklər.
Qeyd edək ki, Səudiyyə Ərəbistanı informasiya nazirinin himayəsi ilə 2020-ci il mayın 16-da UNA-nın Birinci Virtual Media Forumu təşkil edilib. Tədbirdə Birliyə üzv agentliklərin jurnalistlərinin peşə bacarıqlarının artırılması, təcrübə mübadiləsi məqsədilə vebinarların keçirilməsi qərara alınıb.
Vebinarda iştirak etmək üçün aşağıdakı link vasitəsilə qeydiyyatdan keçmək olar:
https://zoom.us/webinar/register/WN_CAkxvGFWRc6zM7RBABkCxw
və ya www.una-oic.org
Bölmənin digər xəbərləri
