İKİ MİNDƏN ÇOX DANİMARKALI İNTERNET VASİTƏSİLƏ MÜSƏLMANLARDAN ÜZR İSTƏMİŞDİR
Fevralın 8-də açılan www. anotherdenmark. org. internet səhifəsində bütün dünya müsəlmanlarına Danimarka, ingilis və ərəb dillərində müraciət yerləşdirilmişdir.
Müraciəti imzalayanlardan biri yazır: “Mən başqa bir Danimarkanın - müsəlman dünyası ilə sülh şəraitində yaşamaq istəyən, dinlər arasında və insanların müxtəlif qrupları arasında hörmətə və dözümlülüyə inanan Danimarkanın mövcud olduğunu bildirirəm”. Başqa birisi yazır: “Bir danimarkalı kimi, mən ölkəmizin özəl qəzetinin dərc etdiklərinə görə heç bir məsuliyyət daşımıram. Hətta bu halda da bütün dünya müsəlmanlarını təhqir etmiş “Yullands-posten”in hərəkətlərini pisləyirəm və başa düşürəm ki, qəzet üzr istəməlidir”.
Bu sayt barədə informasiya Danimarka KİV-ləri vasitəsilə yayılmış və fevralın 9-da axşamadək təxminən 2360-dan çox ölkə sakini müraciətin müəllifləri ilə həmrəy olduğunu bildirmişdir.
Danimarkanın Ritzau İnformasiya Agentliyinin hesablamalarına görə, sayta yeni xəbərlər dəqiqədə təxminən beş məlumat sürəti ilə daxil olur.
Bölmənin digər xəbərləri
