“İKİ SAHİL” QƏZETİNİN KOMANDASI TURNİRİN QALİBİDİR
Novruz bayramı münasibətilə “İdeal” mətbuat klubunun təşəbbüsü və təşkilatçılığı ilə kütləvi informasiya vasitələri arasında “Bahar kuboku” uğrunda mini-futbol turniri başa çatmışdır. 16 komandanın iştirak etdiyi turnirdə Azərbaycan Dövlət Televiziya və Radio Verilişləri Şirkətinin və “İki sahil” qəzetinin komandaları daha yaxşı və məhsuldar oyun nümayiş etdirərək, finala çıxmışdılar. Novruz bayramı günü keçirilən final görüşündə oyunun əsas vaxtı 2:2 hesabı ilə nəticələndi. Əlavə vaxtda daha yaxşı oynayan “İki sahil” qəzetinin komandası rəqiblərin qapısından 3 cavabsız top keçirərək, turnirin qalibi oldu. Üçüncü yeri “Ekspress” qəzetinin komandası tutmuşdur.
Bölmənin digər xəbərləri
