İlin sonuncu “Tullantıları hədiyyələrə dəyiş” festivalı keçiriləcək
Bakı, 18 dekabr, AZƏRTAC
“Yaşıl dünya naminə həmrəylik ili” çərçivəsində Ekologiya və Təbii Sərvətlər Nazirliyinin təşkilatçılığı, Xətai Rayon İcra Hakimiyyətinin və müxtəlif tərəfdaş qurumların dəstəyi ilə dekabrın 21-də “Tullantıları hədiyyələrə dəyiş” festivalı keçiriləcək.
Nazirlikdən AZƏRTAC-a bildirilib ki, festival çərçivəsində vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində müxtəlif hədiyyələr (müxtəlif növ ağac tingləri, ekoçantalar, kitablar, müxtəlif qida məhsulları və s.) əldə edə biləcəklər.
Maraqlı viktorinalar, müxtəlif master-klasların keçiriləcəyi festivalda tullantıları gətirərək həm təbiətə töhfə verə, həm də müxtəlif hədiyyələr qazana bilərsiniz. Tədbir tullantıların qarşısını almaq, resurslardan daha səmərəli istifadə etmək, tullantıları mənbəyində toplayıb təkrar emala yönləndirmək məqsədilə keçirilir.
Ünvan: Xətai rayonu, “Gənclik” parkı (“Park House” restoranın yanı)
Bölmənin digər xəbərləri
