İMİŞLİDƏ YENİ YARDIMÇI OFİS TƏSİS EDİLMİŞDİR
Fevralın 1-dən etibarən BMT-nin Ümumdünya Ərzaq Proqramı (ÜƏP) Azərbaycanın 15 rayonunda (Ağdam, Əli Bayramlı, Beyləqan, Biləsuvar, Füzuli, Hacıqabul, İmişli, Kürdəmir, Lənkəran, Masallı, Neftçala, Saatlı, Sabirabad, Salyan və Zərdab) məskunlaşmış məcburi köçkünlərə ərzaq yardımının təşkilati məsələsini birbaşa öz üzərinə götürəcəkdir.
Qurumun Azərbaycan nümayəndəliyindən AZƏRTAC-a bildirmişlər ki, bu məqsədlə İmişli rayonunda yeni yardımçı ofis təsis edilmişdir. Daha 8 rayonda isə ərzaq paylanışının təşkil olunması ÜƏP tərəfdən tam maliyyələşdirmə əsasında, “Dünyaya baxış” beynəlxalq təşkilatı tərəfindən həyata keçiriləcəkdir.
Bölmənin digər xəbərləri
