İMPERATOR SYANLUNUN MİNİATÜR VAZASI TƏQRİBƏN 15 MİLYON DOLLARA SATILMIŞDIR

24.10.2005 [21:37]
Çap et
A⁺ A^-

AZƏRTAC xəbər verir ki, Çinin “Saut Çayna morninq post” qəzetinin yazdığına görə, Mancuriya Sin sülaləsinin (1644-1941) imperatoru Syanlunun (1736-1796-ci illər) şəxsi kolleksiyasına daxil olan kiçik ovucun içi boyda nadir vaza rekord qiymətə - 14,8 milyon ABŞ dollarına satılmışdır.

Boğaz hissəsində xırda qulpları olan qab şəklində hazırlanmış çini vazada budaqda oturan iki qırqovul əlvan rənglərlə təsvir olunmuşdur. Vaza Çin rəngkarlığının ənənəvi “xuanyao” (“güllər və quşlar”) janrında yaradılmışdır. İmperator sarayında çalışan sənətkarlar bu silsilədən cəmi 4 vaza hazırlamışlar. Onlardan biri Tyantszin şəhəri muzeyində saxlanılır, ikincisi Qərbə aparılmış, üçüncüsü biryolluq yoxa çıxmışdır.

Nadir vazanın ilkin qiyməti 11 milyon dollar idi. Onu qədim sənət əsərlərinin yerli dileri Uilyam Çak almışdır.

İMPERATOR SYANLUNUN MİNİATÜR VAZASI TƏQRİBƏN 15 MİLYON DOLLARA SATILMIŞDIR

MÜƏLLİFLƏ ƏLAQƏ

Bölmənin digər xəbərləri