İnformasiya Texnologiyaları İnstitutu əməkdaşlarının məqalələrinə il ərzində 1995 istinad edilib
Bakı, 15 dekabr, AZƏRTAC
Elm və Təhsil Nazirliyinin İnformasiya Texnologiyaları İnstitutu əməkdaşlarının məqalələrinə il ərzində 1995 dəfə istinad olunub.
Bu barədə AZƏRTAC-a institutdan məlumat verilib. AMEA-nın vitse-prezidenti, İnformasiya Texnologiyaları İnstitutunun baş direktoru akademik Rasim Əliquliyevin hesabat məruzəsində elmi-innovasiya və praktiki, elmi-texniki ekspertiza, elmi-təşkilati, elmi-pedaqoji fəaliyyət və kadr hazırlığı, elm müəssisəsində 2022-ci ildə müdafiə olunmuş və hazırda müdafiə ərəfəsində olan dissertasiya işləri, sosial tədbirlər və digər istiqamətlərdə görülmüş işlər haqqında da ətraflı məlumat verilib.
Bildirilib ki, bu il 76 məqalə nüfuzlu “Web of Science” və “Scopus” bazalarına daxil olan jurnallarda yer alıb. Son 5 ildə institut əməkdaşlarının 316 məqaləsi nüfuzlu elmi bazalarda öz əskini tapıb. Azərbaycan alimlərinin İKT sahəsindəki fəaliyyəti beynəlxalq aləmdə yüksək qiymətləndirilib, son üç ildə elm müəssisəsi alimlərinin adları ABŞ-ın Stenford Universitetinin ən nüfuzlu reytinq siyahısına daxil edilib.
Bölmənin digər xəbərləri
