İNGİLTƏRƏNİN MƏRKƏZİ QRAFLIQLARINDA VƏ UELSDƏ DAŞQINLARLA ƏLAQƏDAR HƏYƏCAN ELAN OLUNMUŞDUR
AZƏRTAC xarici informasiya agentliklərinə istinadla xəbər verir ki, Böyük Britaniyanın Dövlət Ətraf Mühit Agentliyi İngiltərənin və Uelsin mərkəzi qraflıqlarında daşqın təhlükəsi elan etmişdir. Bu rayonlarda qasırğalı küləklərlə müşayiət olunan leysan yağır. Ötən gecə ərzində Kornuoll və Devonşir qraflıqlarında bir neçə ev və mağaza su altında qalmışdır.
Böyük Britaniyanın daha 46 rayonunda daşqın olacağı gözlənilir. Hazırda İngiltərənin və Uelsin iri çayların yaxınlığında yerləşən şəhərlərində həyəcan elan olunmuşdur.
Bölmənin digər xəbərləri
