İpoteka istiqrazlarının yerləşdirilməsi üzrə hərrac keçiriləcək
Bakı, 14 iyun, AZƏRTAC
İyunun 16-da BFB-də Azərbaycan Respublikası İpoteka və Kredit Zəmanət Fondunun 40 milyon manat həcmində sənədsiz adlı, faizli təmin edilmiş ipoteka istiqrazlarının yerləşdirilməsi üzrə hərrac keçiriləcək.
Fonddan AZƏRTAC-a bildirilib ki, istiqrazlar 1000 manat qiyməti ilə satışa çıxarılacaq.
Azərbaycan Respublikası Mərkəzi Bankı tərəfindən İpoteka və Kredit Zəmanət Fondunun sənədsiz adlı, faizli təmin edilmiş ipoteka istiqrazlarının Emissiya prospekti mayın 25-də qeydə alınıb. Emissiyanın ümumi həcmi 40 milyon AZN, bir istiqrazın nominal dəyəri 1000 AZN, istiqraz üzrə illik faiz dərəcəsi 3 faiz təşkil edir. Emissiya prospektinə əsasən, yerləşdirmə kütləvi təklif üsulu ilə “Bakı Fond Birjası” QSC vasitəsilə keçiriləcək. Depozitar və Reyestrsaxlayıcı xidmətlər Milli Depozit Mərkəzi tərəfindən göstəriləcək.
Bölmənin digər xəbərləri
