İpoteka və Kredit Zəmanət Fondu Sumqayıtda satmaq öhdəliyi ilə kirayə mənzillər təklif edir
Bakı, 16 dekabr, AZƏRTAC
İpoteka və Kredit Zəmanət Fondu (İKZF) Sumqayıt şəhərinin Sülh və Bulvar küçələrindəki komplekslərdə 1, 2, 3 və 4 otaqlı mənzillər təklif edir.
Fonddan AZƏRTAC-a bildirilib ki, mənzillər geniş həyətyanı sahəyə malik, əsas sosial infrastruktur obyektlərinə (məktəb, uşaq bağçası, nəqliyyat və s.) yaxın komplekslərdə yerləşir. Bütün yaşayış sahələri kombi isitmə sistemi (kombi cihazı daxil olmaqla), su, qaz, elektrik sayğacları ilə təchiz olunub. Mülkiyyət hüquqları dövlət qeydiyyatına alınıb. Elektron sistem üzərindən vətəndaşların seçimi üçün açıq olan mənzillər və yaşayış kompleksləri barədə daha ətraflı məlumatla bu keçid - http://mcgf.gov.az/menu/211 vasitəsilə tanış olmaq mümkündür.
Qeyd edək ki, təklif edilən kirayə mənzillərin siyahısında (http://mcgf.gov.az/menu/202) vətəndaşların seçimi üçün 300-ə yaxın yaşayış sahəsi mövcuddur. 2022-ci ilin əvvəlindən İKZF tərəfindən satmaq öhdəliyi ilə kirayə mənzil mexanizmi çərçivəsində 1656 yaşayış sahəsi vətəndaşların istifadəsinə verilib. Bununla da bağlanmış kirayə müqavilələrinin sayı 2938-ə çatıb.
Bölmənin digər xəbərləri
