İqlim dəyişmələrinin sağlamlığa təsirlərinə qarşı vaxtında müdaxilə etmək böyük əhəmiyyət daşıyır
Bakı, 22 yanvar, AZƏRTAC
İqlim böhranı bütün dünyada olduğu kimi, Şimali Kipr Türk Respublikasında da ciddi təsirlərini göstərir və gələcək illərdə bunun daha da artacağı gözlənilir. Hazırda Aralıq dənizi hövzəsində temperaturun yarım dərəcə artımını müşahidə edirik, sularda isə altı dərəcəlik artım qeydə alınıb.
AZƏRTAC xəbər verir ki, bu fikirləri Şimali Kipr Türk Cümhuriyyəti Məclisinin İnzibati, ictimai və səhiyyə məsələləri komitəsinin sədr müavini Filiz Besim yanvarın 22-də TÜRKPA üzvü olan parlamentlərin Səhiyyə komitələri sədrlərinin ikinci iclasında çıxışı zamanı səsləndirib.
Filiz Besim qeyd edib ki, iqlim dəyişmələrinin sağlamlığa təsirinə qarşı vaxtında müdaxilə etmək böyük əhəmiyyət daşıyır. Bu müdaxilələr iqlim siyasətinin müəyyənləşdirilməsi, tənzimləyici mexanizmlərin qurulması və tətbiqinin təmin edilməsi ilə həyata keçirilməlidir. O əlavə edib ki, iqlim dəyişmələrinin sağlamlıq üzərində birbaşa təsirləri var: “Şimali Kipr Türk Cümhuriyyətində əvvəllər şahidi olmadığımız sellər, fırtınalar və digər təbii fəlakətlər artıq tez-tez baş verir. Əlbəttə ki, bu fəlakətlər zamanı səhiyyə sistemimizin həmin anda təsirli və hazırlıqlı olması həyati əhəmiyyət daşıyır”.
Bölmənin digər xəbərləri
